Skip to content

أحدث موبايل أندرويد في الكويت من HTC

12 أغسطس 2011

أخر جهاز نزل في الكويت من شركة HTC و يعمل على نظام الأندرويد هو جهاز HTC Sensation “سنسيشن” ذو الشاشة الكبيرة و البروسسر السريع، أنا ماراح أدش معاكم في التفاصيل لأن أي أحد يقدر يقرأها من موقع الشركه و هذي الوصلة لمواصفات الموبايل،  بس إلي راح أتكلم عنه استخدامي الفعلي للجهاز و شنو مزاياه و عيوبه و راح أقولكم ليش إخترت هذا الجهاز و ما خترت جهاز ثاني و المثال إلي يصلح هني هو الآيفون لأنه من أفضل الأجهزه في السوق و راح نطرح المقارنه مع عرض مزايا و عيوب الجهاز.

المزايا:

  • شاشة كبيرة جبارة تبرد الجبد لما تطالعها، لدرجة أن لما تحط شاشة الآيفون يمها تشوف عيوب في شاشة الآيفون ماكنت تلاحظها من قبل و راح تقول صج شاشة الآيفون صغيرة.
  • الشاشة الرئيسية تعطيك حرية التحكم فيما تعرض عليها مع ثبات ثلاث أزره في أسفل الشاشات ال٧ الرئيسية كلها و هم زر الهاتف، البرامج و زر التشكيل، بمعنه إنك تقدر تحط إلي تبي على الشاشة الرئيسة، تبي تحط صورتك مثلا (بس هذا ترى يسمونه جنون العظمه) تقدر، تبي مواقيت الصلاة تقدر، تبي تحط كم برنامج مع زر خاص للبلوتوث تقدر، طب و تخير أما في الآيفون فإنت محكور مع البرامج في الواجه الرئيسية فقط!
  • أول شي لما تحاول فتح القفل ستجد دائرة (وهي تعمل كالمفتاح) و ٤ أيقونات لبرامج أو غيرها كالكامرة (و تقدر تحط إلي تبي بدالهم)  و لكي تفتح الجهاز عليك بإحدى الحركتين، إما أن تسحب الدائرة إلى أي مكان فتفتح الشاشة الرئيسية و إما أن تسحبها على أحد البرامج كالكامرة فيفتح الجهاز على الكامرة على طول، دون أن تذهب للشاشة الرئيسة ثم للبرامج ثم للكامرة، و هذي صراحة من أروع المزايا.
  • كل أجهزة ال HTC معروفة بواجهتها المسماه بي HTC Sence والتي يطول شرحها و لكن خذها مني شيئ حلو والله و على سبيل مثال إمكانية ربط معلوماتك الخاصة بحساباتك من تويتر و الفيسبوك و غيرها.
  • الجي بي أس ماله وايد حلو يعطيك شكل ثلاثي الأبعاد و يطلع النقاط المهمه حولك في الكويت وغيرها من مطاعم و مقاهي و أسواق والعديد. و تقدر بعد تشتري برامج عشان تعطيك  معلومات عن الطريق (يعني يشتغل مثل الجارمن) لا ومع أماكن كاميرات التصوير بعد مقابل مبلغ بسيط.
  • بالنسبة للبرامج نعم، الآيفون يتفوق على الأندرويد في هذي النقطه ولكن يتفوق عليه ب٢٠٪ فقط، كيف؟ أقولكم، شنو تبي من البرامج الي تستخدمها ٨٠٪ من وقتك على الآيفون موجوده على الأندرويد، أمثله على بعضها: ,What’s App, Drop Box, Viber, Tango, Skype, Facebook, Twitter, القرآن الكريم، أذكار، حصن المسلم و غيرهم الكثير
  • الكامرة ممتازه تصوير عادي و فيدبو.
  • إمكانية مشاركة أي شي من أي برنامج إلى أي شخص في أي برنامج. مثال، يمكنك بزر مشاركة شيئ عجبك في What’s App إلى التوتر أو Drop Box
  • الرنات حدث ولا حرج
  • وصلة HD للتلفزيون

العيوب:

  • الجهاز يحتر (يصر حار من تحت) بعد إستخدام الإنترنت لفتره.
  • بطاريته نفس الآيفون أو أسوء شوي.
  • السماعة الخارجية ضعيفة، يالله تسمع الرنه.
  • السماعه الداخلية (من الإذن) ماتسمع فيها عدل لإنها مو في وسط المكان المخصص لها، هي على جنب لذلك يجب عليك معرفة مكانها بالضبط للسماع للمكالمة بوضوح.

وسلامتكم، فأتوقع واظح إن هذا الجهاز أفضل من الآيفون ٤ أما إذا نزل الآيفون ٥ فلنا حديث آخر 😉

أماكن الشراء:

  • الغانم – إكسايت السعر حتى تاريخ اليوم ٢٠٥ دينار كويتي
  • جرير
  • المستقبل
Advertisements

From → موبايلات

اكتب تعليقُا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: