Skip to content

ستيف جوب يترك أبل

بعد سنين عديده ستيف جوب، أكبر عقل في أبل يترك الشركة، ولكن ماذا يعني ذلك للشركة؟ الصراحة أنا ما أشوف أبل من غيره، و علامات التردي واظحة علىي  أبل من بعد مرضه في نظام الأسد و غيره. وداعا ستيف مانت رحرة جميلة بالفعل معك. شكرا لكل ما قدمته لنا في كل سنينك.

 

مالجديد الذي ننتظره من نوكيا؟ (تحديث)

نوكيا شغاله بشكر سريع و غريب في التطوير هاليومين إلي فاتو! في يوم ١٨/٨ أطلقت الشركة التحديث الجديد لنظام السمبيون الملقب ب”آنا” و اليوم يبدأ العد النازلي على موقعهم بالفيسبوك ليشئ جديد تحت عنوان “كاد أن يصبح الوقت لتجربة شيئ جديد”

تحديث: يقولك على حسب الخبر من موقع GSMArean إن مصصم الفلاش المعروض نسى يغير إسم الفيديو و هو “Belle Teaser” يعني دعاية قصير للتحديث الجديد من سيمبيون المسمى “بيل” يعني المفاجأة إختربت، بس هم شيئ حلو و غريب من نوكيا، الظاهر بيسوون نفس إلي يبي ييفضي محله يسوي تصفية و يبيع كل شيئ و بعدين يطلب خلو على المحل الفاضي! بس هم ما أعتقد، عموما هذا فيديو يعرفك على النظام الجديد، يقولون مسرب بس تره شبعنه من هالحركات التسويقية!

HP TouchPad ب ٩٩$ فقط!

بعد إعلا شركة HP بتوقيف جهازهم اللوحي ال TouchPad سعره طق القاع لين وصل ٩٩$ مايعادل تقريبا ٢٧ دينار! و الله خوش شروه، يالله يوريكا ماعندم واحد P: يبيلي واحد بس لإشباع الرغبة التكنولوجيا إلي فيني، يا حبيبي ب٢٧ دينار أحطه على مكتبي أحسن من أي تحفه، على الأقل تستخدمها و يصير عندك جهاز أحفوره 🙂

والخبر يقول إنه في مجموعه تحولك هالجهاز من إنه شغال على Web OS إلي Android، المصدر

قصيدة في الوتس آب

image

هالبرنامج عمل عمايلو! لو انا مكان أبل أعطيه نسبه من مبيعات الآيفون، الناس قامت تشتري الجهاز بس عشانه، و انتشر لباقي الموبايلات بعد، الي حتى النوكيا صار فيه (بس صاحبنا في القصيده ماعنده خبر) و الناس مساكين حسبالهم البرنامج خاصية في الآيفون، و على فكرة الإنتشار مو بس في الكويت و الوطن العربي، لا، عالميا. المهم أخليكم مع القصيد الي وصلني في الوتس آب للوتس آب

‏​قصيـــدة زوجه تعترض بأن يكون لـزوجها واتس اب من غيرتها الشديده  عليه

فقــالت :

والله وأنا بنت الرجال المشاكيل
ماتحط الواتس اب ياعبيد عندي

ماني مثل باقي الحريم المهابيل
رجّالـها لآ راح مــرواح جدي

(نوكيا) ماعذرب كثير الرياجيل
ألو تكفي كان تبغى مـــردّي

ماتنفع المــوضه وكثر الأقاويل
وش فادة الموضه جدك وجدي

ياعبيد ذي والله سوات المهابيل
وان ما نفع قل لي  طلاقي بيدي

والله وأَنٌـ«❤»ـآإ بنت الرجال المشاكيل
ماتشغل الواتس اب ياعبيد عندي

رد الزوج :

والله وانا عبيد راعي المعاميل
لا أنزّل الواتس اب وانتي بحدي

قراءة المزيد…

بس اليوم عند يوريكا الآيفون ٤ ب ١٨٠ دينار

عندي نظرية لسبب الأسعار النازله، ألا وهي إن الشركات قاعدة تعادل بين الربحية إلي طلعوها في بداية بيع الآيفون ٤ يوم كان ب ٤٠٠ دينار و بين الحين، فالمتوسط يطلعهم ربحانين بلاوي، بس هم عليهم بالعافية دام في ناس تشتري و ييبونلنا الأجهزه أول بأول.

تحديث على سعر الجالاكسي أس ٢من يوريكا بعد إنتهاء العرض صار سعره تقريبا ١٩٠ دينار.

عيب يا أبل

يعني لما تشوف واحد محترم و معروف إن شغله ممتاز و ما عليه غبار يجذب شتقول؟ تقول يا إن ما عنده ثقه في نفسه يا إن بده يضعف، و هذا إلي صاير بين أبل و سامسونج، بدأت شركة أبل بإستخدام التحيال و الكذب في قضاياها ضد شركة سامسونج، في البداية كانت المشكلة على إن الجالاكسي تاب ١٠.١ هو نسخه من الآيباد و بذلك تكون شركة سامسونج كسرت براءة إختراع أبل و نسخت جهازهم، و وقدمت شركة أبل الصورة المرفقه تحت إلي تم فيها تحريف شكل جهاز التاب فيها ليصبح نسخه من الآيباد، و عليها تم فعلا إيقاف بيع التاب من قبل محاكم ألمانيا، بس بعدين سامسونج وضحو الصورة للمحكمه و تم توقيف تنفيذ الحكم.

وبسم الله، ما مدا سامسونج يتنفسون، ردو أبل يرفعون قضية ثانية و فيها نفس الحركة لكن هالمرة بين السامسونج جالاكسي أس ٢ و الآيفون ٣ جي! علما أم محامي سامسونج نوه إن أبل تستخدم التحايل على القضاء بصور معدله ولكن دون جدوى، عيب يا أب والله عيييييييييب، الكبير لازم يظل كبير و القوة في تقديم الأفضل لا الكذب و التحايل، هذي أساليب الضعاف، و كما دائما أقول، المنافسه قوية و البقاء للأقوى.

ما كل ما يتمناه الآيفون يدركه

image

تجربه بسيطه سويتها على بطارية الآيفون، قبل 15 يوم بالضبط شريت موبايل جديد و قبله كان الآيفون موبايلي الرئيسي، و كما هو الحال مع أي شيئ جديد يوصل عندي القديم يستريح شوي، و هذا إلي صار مع الآيفون 4 مالي، شلت الشريحه (يعني السم كارد) و حطيتها في الجهاز الجديد و من ذاك اليوم استخدمته استخدامات بسيطه حق النت و اطلع منه صور و غيره، الغريب في الموضوع إن العاده بطاريته تقعد 5، 6، 7 ساعات إذا طيب 8، بس انه يقع 15 يوم من غير شحن! لا بعد في 14% ياريتك جذي دوم بس ما أقول إلا “ماكل ما يتمناه المرء يدركه”